Зарафшон шаҳрида яшовчи эр-хотин узоқ йиллар бирга яшаган бўлса-да, келишолмай қолди. Натижада, хотини болаларини олиб, хонадондан чиқиб кетди, деб ёзади «Uz24.uz» нашри «Ҳуқуқ» газетасига таяниб.
Эр хотинини ортга қайтариш ўрнига, бир ойдан сўнг бошқа бир аёлни топди.
Газетада ёзилишича, ошиқ-маъшуқларнинг одатдаги учрашувларининг бирида жанжал чиқди. Шу куни спиртли ичимлик истеъмол қилиб, сархуш аҳволда бўлган аёл «эри»нинг онаси ва фарзандларини куракда турмайдиган сўзлар билан ҳақорат қила кетди. Бундан ғазабланган «эр» ёғоч дастали болғани олди-да, меҳмонхонада ўтирган жазманининг ортидан бориб, зарба берди. Аёл болға билан такрор ва такрор берилган зарбалар натижасида ҳаётдан кўз юмди.
Оиласи билан ярашиб, ўзаро муносабатларни қайта тиклаш ўрнига ўзига жазман топиб олган ва кейинчалик унинг ҳаётига зомин бўлган эркакка жиноят ишлари бўйича Зарафшон шаҳар суди тегишли жазо тайинлади.
Изоҳ (0)