Amerika kubogi—2015. Braziliya chorak finalda o‘z ishtirokini yakunladi

Chilida o‘tayotgan Amerika kubogi musobaqalarining chorak final bellashuvlari yakunlandi, deb xabar beradi “Uff.uz”.

Bu bosqichga bugun bo‘lib o‘tgan Braziliya va Paragvay terma jamoalari o‘rtasidagi bahs yakun yasadi. Uchrashuvda omad Paragvay termasiga kulib boqdi.

O‘yinda hisobni dastlab, 15-daqiqada Robinyo ochgan edi. Biroq ikkinchi bo‘limda Gonsales penaltidan muvozanatni tikladi. Asosiy bo‘lim ana shu hisobda nihoyasiga yetdi.

Penaltilar seriyasida Paragvay termasi aniqroq harakat qildi va yarim final yo‘llanmasini qo‘lga kiritdi.

Yarim finalda Paragvay termasi Argentina bilan, Chili esa Peru bilan kuch sinashadi.

Amerika kubogi, 1/4 final

Braziliya – Paragvay 1:1 (1:0, 0:1, 0:0, 0:0), penalti - 3:4Gollar: 1:0 – 15 Robinyo, 1:1 – 72, penalti Gonsales.Braziliya – Jefferson, Dani Alves, Miranda, Tiago Silva, Filipe Luis, Firmino (Tardelli, 69), Villian (Duglas Kosta, 60), Koutinyo, Fernandinyo, Elias, Robinyo (Everton Ribeyro, 87).Paragvay – Vilyar, Piris, Agilyar, da Silva, Valdes, Aranda (Martines, 77), Kaseres, Gonsales, Benites (Romero, 84), Santa Krus, Valdes (Bobadilya, 74).Ogohlantirishlar: Valdes (25), Agilyar (38), Dani Alves (50), Koutinyo (76), Martines (81).