Yil sayin O‘zbekistonda kichik biznes va xususiy tadbirkorlik subyektlariga ko‘plab imtiyozlar va preferensiyalar yaratilayotir. Yaratilayotgan imkoniyatlar bilan bir qatorda qonunchilikda tadbirkorlar zimmasiga ba’zi bir majburiyatlar ham yuklatilgan, deb yozadi “Huquq” gazetasi.
Biroq ayrim “uddaburon tadbirkorlar” ushbu majburiyatlarni chetga surib, qonunlarni chetlab o‘tmoqda.
Jumladan, Konimex tumanida faoliyat olib borayotgan “Konimex quruvchi montaj” xususiy korxonasi rahbari 2014-yilning iyul oyidan buyon 6 milliard 945 million so‘mdan ortiq mahsulotlarni naqd pulga sotib yuborib, savdodan tushgan pullarni bankka topshirmaganligi tekshirishlarda fosh etildi. Shuningdek, rahbar o‘z qilmishlarini yashirish maqsadida korxonaning 2014-yilgi moliyaviy-xo‘jalik faoliyati to‘g‘risidagi rasmiy hujjatlarni tergovga taqdim qilmasdan g‘arazgo‘ylik niyatida yo‘q qilib yuborilganligi ham aniqlandi.
Majburiyatni unutgan rahbarga sud qonuniy jazo tayinlab hukm chiqardi.
Izoh (0)