Йил сайин Ўзбекистонда кичик бизнес ва хусусий тадбиркорлик субъектларига кўплаб имтиёзлар ва преференциялар яратилаётир. Яратилаётган имкониятлар билан бир қаторда қонунчиликда тадбиркорлар зиммасига баъзи бир мажбуриятлар ҳам юклатилган, деб ёзади «Ҳуқуқ» газетаси.
Бироқ айрим «уддабурон тадбиркорлар» ушбу мажбуриятларни четга суриб, қонунларни четлаб ўтмоқда.
Жумладан, Конимех туманида фаолият олиб бораётган «Конимех қурувчи монтаж» хусусий корхонаси раҳбари 2014 йилнинг июль ойидан буён 6 миллиард 945 миллион сўмдан ортиқ маҳсулотларни нақд пулга сотиб юбориб, савдодан тушган пулларни банкка топширмаганлиги текширишларда фош этилди. Шунингдек, раҳбар ўз қилмишларини яшириш мақсадида корхонанинг 2014 йилги молиявий-хўжалик фаолияти тўғрисидаги расмий ҳужжатларни терговга тақдим қилмасдан ғаразгўйлик ниятида йўқ қилиб юборилганлиги ҳам аниқланди.
Мажбуриятни унутган раҳбарга суд қонуний жазо тайинлаб ҳукм чиқарди.
Изоҳ (0)