20-iyun, shanba kuni Avstriyaning Grats shahrida 26 yoshli haydovchi katta tezlikda piyodalar yo‘lagiga bostirib kirdi, deya xabar bermoqda “Korrespondent.net”.
Guvohlar so‘zlariga ko‘ra, avtomobil tezligi soatiga 100 kilometrga yaqin bo‘lgan. Haydovchi bu xatti-harakatini qasddan amalga oshirgani ochiq-oydin edi — u ongli ravishda piyoda va velosipedchilarni bosib ketmoqchi bo‘ldi.
Voqea guvohlaridan biri — shahar meri Zigfrayd Nagl ham haydovchi avtomobilni odamlar ustiga qarab haydaganini tasdiqladi.
Erkakni hibsga olishdi, politsiya uning harakatlari terrorchilik mohiyatiga ega emasligini ta’kidlamoqda. Oilasidagi muammolar tufayli unda ruhiy zo‘riqish sodir bo‘lgani xabar berilmoqda.
Uch kishi halok bo‘lgan, 34 kishi yaralangan, ulardan olti nafari og‘ir ahvolda.
Izoh (0)