20 июнь, шанба куни Австриянинг Грац шаҳрида 26 ёшли ҳайдовчи катта тезликда пиёдалар йўлагига бостириб кирди, дея хабар бермоқда «Koрреспондент.net».
Гувоҳлар сўзларига кўра, автомобиль тезлиги соатига 100 километрга яқин бўлган. Ҳайдовчи бу хатти-ҳаракатини қасддан амалга оширгани очиқ-ойдин эди — у онгли равишда пиёда ва велосипедчиларни босиб кетмоқчи бўлди.
Воқеа гувоҳларидан бири — шаҳар мэри Зигфрайд Нагл ҳам ҳайдовчи автомобилни одамлар устига қараб ҳайдаганини тасдиқлади.
Эркакни ҳибсга олишди, полиция унинг ҳаракатлари террорчилик моҳиятига эга эмаслигини таъкидламоқда. Оиласидаги муаммолар туфайли унда руҳий зўриқиш содир бўлгани хабар берилмоқда.
Уч киши ҳалок бўлган, 34 киши яраланган, улардан олти нафари оғир аҳволда.
Изоҳ (0)