O‘zbekiston va Xitoy “Ipak yo‘li iqtisodiy halqasi” qurilishi tashabbusini amalga oshirish doirasida o‘zaro manfaatli savdo-iqtisodiy hamkorlikni kengaytirish haqida bayonnoma imzoladi. Bu haqda, “Sinxua” axborot agentligiga asoslanib, “Gazeta.uz” xabar bermoqda.
Hujjat dushanba kuni Xitoyning Jichjao shahrida O‘zbekiston tashqi iqtisodiy aloqalar, investitsiyalar va savdo vaziri Elyor G‘aniyev va Xitoy tijorat vaziri o‘rinbosari Chjun Shan tomonidan imzolangan.
Shu kuni Jichjaoda hamkorlik bo‘yicha Hukumatlararo qo‘mitaning uchinchi majlisi va O‘zbekiston-Xitoy biznes-forumi bo‘lib o‘tdi.
Bayonnomaga asosan, ikki mamlakat o‘rtasidagi hamkorlikda asosiy e’tibor asosiy mahsulotlar bo‘yicha savdoni oshirish, infratuzilmaviy qurilish sohasidagi loyihalarni ro‘yobga chiqarish, sanoat obyektlarini rekonstruksiya qilish va sanoat parklarini tashkil etishga qaratiladi.
Izoh (0)