15-iyun kuni Xitoy Xalq Respublikasining Jichjao shahrida Xitoy-O‘zbekiston biznes forumi ochildi, deya xabar bermoqda UzReport.
Tadbirda so‘zga chiqar ekan, O‘zbekiston bosh vaziri birinchi o‘rinbosari, moliya vaziri Rustam Azimov Xitoy bilan iqtisodiy hamkorlikni yanada kengaytirish imkoniyatlarini Xitoy investitsiyalarini jalb etish, “Ipak yo‘lining iqtisodiy hududi” tashabbusini amalga oshirish va ikki tomonlama savdo-sotiqni rivojlantirish kabi yo‘nalishlarda ko‘rishini aytdi.
Azimov Xitoy kompaniyalari bilan hamkorlik natijasida O‘zbekistonda strategik ahamiyatga ega bo‘lgan va o‘tkazilayotgan tuzilmaviy islohotlarning muhim qismiga aylangan o‘nlab loyihalar amalga oshirilganiga e’tibor qaratdi.
Izoh (0)