O‘zbekiston milliy terma jamoasi JCh-2018 uchun kechayotgan saralash musobaqasida KXDRga qarshi maydonga tushish uchun Pxenyandagi “Kim Il Sung” o‘yingohiga yetib keldi. Bu haqda O‘FF rasmiy tvitteriga tayanib, “Uff.uz” xabar bermoqda.
Xabarda aytilishicha, stadiondan onlayn translyatsiya qilish uchun sharoit yo‘q. Shunga qaramay, O‘zbekiston futbol federatsiyasi tvitterdagi sahifasi orqali imkon qadar o‘yin natijasi haqida ma’lumot berib borilishi ma’lum qilingan.
Eslatib o‘tamiz, “Sport” telekanali bu o‘yinni jonli tarzda efirga uzatish imkonini izlayotganini xabar qilgandik. O‘zbekiston — KXDR uchrashuvi Toshkent vaqti bilan soat 13:00 da boshlanadi.
Izoh (0)