Ўзбекистон миллий термаси Пхеньяндаги «Ким Ил Сунг» ўйингоҳига етиб келди

Ўзбекистон миллий терма жамоаси ЖЧ-2018 учун кечаётган саралаш мусобақасида КХДРга қарши майдонга тушиш учун Пхеньяндаги «Ким Ил Сунг» ўйингоҳига етиб келди. Бу ҳақда ЎФФ расмий твиттерига таяниб, «Uff.uz» хабар бермоқда.

Хабарда айтилишича, стадиондан онлайн трансляция қилиш учун шароит йўқ. Шунга қарамай, Ўзбекистон футбол федерацияси твиттердаги саҳифаси орқали имкон қадар ўйин натижаси ҳақида маълумот бериб борилиши маълум қилинган.

Эслатиб ўтамиз, «Спорт» телеканали бу ўйинни жонли тарзда эфирга узатиш имконини излаётганини хабар қилгандик. Ўзбекистон — КХДР учрашуви Тошкент вақти билан соат 13:00 да бошланади.