Qirg‘iziston bosh vaziri Temir Sariyev hukumat a’zolariga ixtiyor-majburiy tartibda Qirg‘iziston va Avstraliya terma jamoalari o‘rtasidagi futbol uchrashuviga borish majburiyatini yukladi. Bu haqda Review.uz xabar bermoqda.
“16-iyun kuni o‘yin bo‘ladi, bizning termamiz Avstraliya jamoasiga qarshi o‘ynaydi. Barcha davlat organlarining rahbarlari terma jamoamizni qo‘llab-quvvatlashi shart, ro‘yxat bo‘yicha tekshiramiz. Stadionni to‘ldirish kerak”, - degan bosh vazir o‘zi ham stadionda bo‘lishini ma’lum qildi. Uning so‘zlariga ko‘ra, sportni reklama qilish kerak.
Eslatib o‘tamiz, JCh-2018 saralashi doirasidagi birinchi o‘yinda Qirg‘iziston termasi Bangladeshni 3:1 hisobida mag‘lub etgandi. Qirg‘iziston va Avstraliya termalari o‘rtasidagi o‘yin 16-iyun kuni Bishkekda bo‘lib o‘tadi.
Izoh (0)