O‘zbekiston banklari assotsiatsiyasi Bank xodimining kasb odob-axloqi kodeksini e’lon qildi, u banklarning barcha xodimlari rioya etadigan odob-axloqning asosiy etik me’yorlarini belgilab beradi.
Ushbu Kodeks O‘zbekiston Respublikasi bank hamjamiyatida ish yuzasidan o‘zaro hamkorlikni mustahkamlash va haqqoniy raqobat uchun sharoitlarni yaratish maqsadlarida ishlab chiqilgan.
Ushbu Kodeks bandlarini bajarilishi, banklar va boshqa tashkilotlar, ularning mansabdor shaxslari va xodimlari tomonidan bank mijozlariga, shu jumladan kichik biznes va xususiy tadbirkorlik subyektlariga xizmat ko‘rsatishda ishbilarmonlik va kasb odob-axloqiga rioya etishi, ularning kasbiy mahorati, shuningdek ular faoliyatining O‘zbekiston Respublikasi qonunchiligiga, hamda umumqabul qilingan odob-axloq me’yorlariga muvofiqligining qo‘shimcha isboti, garovi va ishonchliligi bo‘lib xizmat qiladi.
Kodeksda aytilishicha, banklar va ularning xodimlari O‘zbekiston Respublikasi Konstitutsiyasi, O‘zbekiston Respublikasi qonunchiligi, kasb odob-axloqi me’yorlari va ananalarga so‘zsiz rioya qilishi, jamiyat va davlat oldidagi o‘zining fuqarolik va professional burchlarini anglashi, amaldagi qonunchilik me’yorlariga asoslangan davlat organlarining talablarini o‘z vaqtida va to‘liq bajarishi, bank biznesi sohasiga jalb qilingan bank mijozlari, shu jumladan kichik biznes va xususiy tadbirkorlik subyektlarining huquq va qonuniy manfaatlarini hurmat qilishi, tijorat banklarining huquq va qonuniy manfaatlarini himoya qilishda banklararo hamkorlikni va o‘zaro munosabatlarni mustahkamlashi zarur.
Ular o‘ziga olingan majburiyatlarga rioya qilish hamda yuqori saviyali va sifatli xizmat ko‘rsatilishini ta’minlash, bank operatsiyalarini amalga oshirishda risk darajasini hisobga olish va cheklash, haqqoniy raqobatchilikni rivojlantirish, bank faoliyatining noinsof qatnashchilariga nisbatan faol qarshi kurashish, jinoiy faoliyatdan olingan daromadlarni legallashtirishga va boshqa noqonuniy harakatlarga qarshi kurashishda faol ishtirok etish, o‘zaro hurmat, hamfikrlik va o‘zaro yordam berish asosida xalqaro professional aloqalarni o‘rnatish va rivojlantirish, korporativ boshqaruv, shuningdek bank xizmatlarini ko‘rsatishda halollik yuzasidan ichki va o‘zaro nazoratni o‘rnatishga majburdir.
Hujjatda Bankning o‘z aksiyadorlari oldidagi majburiyatlari, banklararo hamkorlik bo‘yicha hamda mijozlar bilan munosabatlardagi va boshqa majburiyatlar belgilab qo‘yilgan.
Mazkur Kodeksning qoidalariga rioya qilmagan taqdirda, bank tizimi xodimlari uchun bank rahbariyati va jamoatchiligi tomonidan ma’muriy choralar qo‘llanilishi mumkin.
Mazkur Kodeks qoidalariga rioya qilish bo‘yicha nazorat tizimi hamda xodimlarning mas’uliyati darajasi har bir bank tomonidan mustaqil tarzda belgilanadi.
Izoh (0)