Dogadin nomidagi Astraxan rasmlar galereyasida 16-iyundan 2-sentabrga qadar G‘alabaning 70 yilligiga bag‘ishlangan “Rahmat, Toshkent!” ko‘rgazmasi bo‘lib o‘tadi, deya xabar bermoqda “Gazeta.uz” tashkiliy qo‘mitaga tayanib.
Ko‘rgazmada urush yillari Markaziy Osiyoda evakuatsiyada yashagan taniqli rassomlarning Sharq davlat muzeyi (Moskva)da saqlanayotgan 50 dan ortiq grafik va tasviriy asarlari namoyish etiladi.
Ular orasidan V. Favorskiy, A. Nyurenberg, S. Gerasimov, I. Jdanko, shuningdek o‘zbekistonlik rassomlar A. Volkov, V. Kedrin, U. Tansiqboyev va boshqalarning rasmlari o‘rin oladi.
Izoh (0)