Florida sobiq gubernatori Jeb Bush 15-iyun kuni AQSh prezidentligiga nomzodini qo‘yishi haqida rasman e’lon qiladi, deya xabar bermoqda “Gazeta.ru”.
Bush o‘z rasmiy Twitter’ida saylovoldi kampaniyasining logotipini e’lon qildi. CNN telekanaliga bergan intervyusida u nomzod maqomiga o‘tishi saylovoldi “poyga”da bo‘lajak prezidentga zarur bo‘lgan yetakchilik sifatlarini himoya qilish imkonini berishini ta’kidladi.
U saylovda g‘alaba qozongan taqdirda, Bushlar sulolasi mamlakat tarixida uch nafar vakili AQSh prezidenti lavozimiga saylangan ilk sulolaga aylanadi.
Kichik Jorj Bushning ukasi Jeb Bush 1953-yilda Texasda tug‘ilgan. 1980—1990-yillarda u Florida shtatida siyosiy karyerasini olib borgan. 1999-yilda shtat gubernatoriga aylanib, 2007-yilgacha ushbu lavozimda qolgan.
Izoh (0)