Жеб Буш 15 июнь куни ўз номзодини АҚШ президентлигига қўяди

Флорида собиқ губернатори Жеб Буш 15 июнь куни АҚШ президентлигига номзодини қўйиши ҳақида расман эълон қилади, дея хабар бермоқда «Газета.ru».

Буш ўз расмий Twitter’ида  сайловолди кампаниясининг логотипини эълон қилди. CNN телеканалига берган интервьюсида у номзод мақомига ўтиши сайловолди «пойга»да бўлажак президентга зарур бўлган етакчилик сифатларини ҳимоя қилиш имконини беришини таъкидлади.

У сайловда ғалаба қозонган тақдирда, Бушлар сулоласи мамлакат тарихида уч нафар вакили АҚШ президенти лавозимига сайланган илк сулолага айланади.

Кичик Жорж Бушнинг укаси Жеб Буш 1953 йилда Техасда туғилган. 1980—1990 йилларда у Флорида штатида сиёсий карьерасини олиб борган. 1999 йилда штат губернаторига айланиб, 2007 йилгача ушбу лавозимда қолган.