Turkmaniston 13-iyun, shanba kuni BMT bosh kotibi Pan Gi Munning Ashxobodga rasmiy tashrifi sharafiga fuqaroligi bo‘lmagan 360 kishiga o‘z fuqaroligini taqdim etdi, deya xabar bermoqda “RIA Novosti”.
“Janob bosh kotib mamlakatimizga tashrif buyurishi munosabati bilan fuqaroligi bo‘lmagan yana 360 kishiga Turkmaniston fuqaroligini beramiz va bugunoq tegishli farmonni imzolaymiz”, — dedi Turkmaniston prezidenti Gurbanguli Berdimuhammedov Pan Gi Mun bilan muzokaralardan so‘ng bo‘lib o‘tgan brifingda.
O‘z navbatida Pan Gi Mun Turkmanistonga Afg‘oniston, Nepal, afrikalik qochoqlar va fuqaroligi bo‘lmagan kishilarga yordami uchun minnatdorlik bildirdi.
Izoh (0)