Turkmanistonning “TürkmenÄlem 52°E” sun’iy yo‘ldoshi mamlakat milliy televideniyesi va radisosi dasturlarini uzatishni boshladi, deb xabar bermoqda “Turkmenistan: zolotoy vek” elektron gazetasi.
Endilikda Turkmaniston milliy telekanallari deyarli butun Yevropa, Shimoliy Afrika va Osiyoning katta qismiga uzatiladi. Ushbu hududlarda 1,2 milliard kishi yashashi aytilgan.
Sun’iy yo‘ldosh orqali “Altin asir: Turkmenistan”, “Yashlik”, “Miras”, “Turkmenistan”, “Ashxabad”, “Turkmen avazi” va “Turkmenistan sport” telekanallari, shuningdek to‘rtta radiokanal tarqatiladi.
Eslatib o‘tamiz, Turkmanistonning ilk sun’iy yo‘ldoshi aprel oyi oxirida AQShning Florida shtatidagi Kanaveral burnida joylashgan kosmodromdan uchirilgan edi.
Izoh (0)