Xitoyning Xarbin tibbiyot universiteti jarrohi Jen Syaopin tez orada maymun ustida bosh ko‘chirib o‘tkazish operatsiyasini olib boradi, deya xabar bermoqda “Nur.kz”. U bungacha yuzlab sichqonlarning boshini ko‘chirib o‘tkazgan.
Bir kemiruvchining boshini ikkinchisiga o‘tkazish bo‘yicha ilk muvaffaqiyatli tajriba 2013-yilda sodir bo‘lgan, operatsiya o‘n soat davom etgan. O‘shandan buyon Jen Syaopin mingdan oshiq tajribalar o‘tkazib, kemiruvchilar umrini sekin-astalik bilan uzaytirib, 24 soatgacha yetkazdi. Sichqonlar ko‘zini ochishga va suv ichishga ham ulgurdi.
Shu yil yozdayoq jarroh maymunlar ustidagi operatsiyalarga o‘tmoqchi. Buning uchun u maxsus mikroquvurchalar ixtiro qildi, ular orqali kislorod bilan to‘yingan qon hayvon miyasidan uning yangi tanasiga o‘tadi.
Kelajakda bunday operatsiyalar bedavo kishilarga ham yordam berishi mumkin, biroq avval tajriba sichqonlari va maymunlarining yashab ketishiga erishish kerak.
Izoh (0)