Хитойнинг Харбин тиббиёт университети жарроҳи Жень Сяопин тез орада маймун устида бош кўчириб ўтказиш операциясини олиб боради, дея хабар бермоқда «Nur.kz». У бунгача юзлаб сичқонларнинг бошини кўчириб ўтказган.
Бир кемирувчининг бошини иккинчисига ўтказиш бўйича илк муваффақиятли тажриба 2013 йилда содир бўлган, операция ўн соат давом этган. Ўшандан буён Жень Сяопин мингдан ошиқ тажрибалар ўтказиб, кемирувчилар умрини секин-асталик билан узайтириб, 24 соатгача етказди. Сичқонлар кўзини очишга ва сув ичишга ҳам улгурди.
Шу йил ёздаёқ жарроҳ маймунлар устидаги операцияларга ўтмоқчи. Бунинг учун у махсус микроқувурчалар ихтиро қилди, улар орқали кислород билан тўйинган қон ҳайвон миясидан унинг янги танасига ўтади.
Келажакда бундай операциялар бедаво кишиларга ҳам ёрдам бериши мумкин, бироқ аввал тажриба сичқонлари ва маймунларининг яшаб кетишига эришиш керак.
Изоҳ (0)