O‘zbekiston tijorat banklarining depozitlari respublika byudjetining vaqtincha bo‘sh mablag‘lari hisobidan to‘ladi. Tegishli nizom O‘zbekiston hukumati tomonidan 2015-yil 22-mayda tasdiqlandi. Bu haqda “Review.uz” xabar berdi.
Tijorat banklarining depozitlariga vaqtincha bo‘sh mablag‘larni joylashtirishda tijorat banklariga qo‘yiladigan asosiy talablar — tijorat bankining ustav kapitalida kamida 25 foiz miqdorida davlat ulushi mavjudligi hamda tijorat bankida respublika byudjetining mablag‘lari hisobiga ilgari joylashtirilgan bank depozitlari bo‘yicha muddati o‘tkzib yuborilgan qarzdorlikning yo‘qligi.
Depozitlarida vaqtincha bo‘sh mablag‘lar joylashtirilishi mumkin bo‘lgan tijorat banklarini aniqlash bo‘yicha tanlov o‘tkaziladi. Depozit summasiga daromadning eng yuqori foizini va tanlov shartlarida ko‘rsatilgan muddatlarni taklif etgan tijorat banki tanlovning g‘olibi hisoblanadi.
Vaqtincha bo‘sh mablag‘larni tijorat banklarining depozitlariga joylashtirishdan olingan daromadlar har oyda respublika byudjeti daromadlariga yo‘naltiriladi.
Izoh (0)