Yaponiyaning Kyocera kompaniyasi jahondagi eng yirik suzib yuruvchi quyosh elektr stansiyasini foydalanishga topshirdi. Bu haqda 3dnews.ru xabar bermoqda.
Yiliga 2600 megavatt/soat elektr energiyasini ishlab chiqara oladigan, quvvati 2,3 megavatt bo‘lgan quyosh elektr stansiyasi Century Tokyo Leasing kompaniyasi bilan hamkorlikda Xyogo prefekturasi suvlarida ishga tushirildi.
Avvalroq, Kyocera va Century Tokyo Leasing kompaniyalari hamkorlikda har birining quvvati mos ravishda 1,2 va 1,7 megavatt bo‘lgan, yiliga 3,3 ming megavatt/soat hajmida elektr energiya ishlab chiqara oladigan ikkita suzib yuruvchi quyosh elektr stansiyalarini foydalanishga topshirgandi.
Kyocera va Century Tokyo Leasing kompaniyalari 2012-yili quyosh energiyasi sohasida qo‘shma korxona tashkil etgan. Kompaniyalar Tokio yaqinida quvvati rekord darajada katta – 13,4 megavattga teng bo‘lgan suzib yuruvchi quyosh elektr stansiyasini qurishni rejalashtirmoqda
Izoh (0)