57 yoshli xitoylik milliarder Li Szinyuan o‘z kompaniyasi yubileyi munosabati bilan 6400 nafar xodimining Fransiyaga safarini o‘z cho‘ntagidan to‘ladi, deya xabar bermoqda “Rambler.ru”.
“Tyanshi” konglomerati yaratilganiga 20 yil to‘lishi sharafiga biznesmen o‘z ishchilari — 5400 nafar Xitoy fuqarolari va 1000 nafar boshqa davlatlar fuqarolarini dastlab Parijga, so‘ng Nitssaga yuborishga qaror qildi.
Buning uchun 140 ta mehmonxonada xonalar band etildi va poyezdlarga 7600 ta chipta sotib olindi. Luvr muzeyi esa bir kunga boshqa tashrifchilar uchun yopildi.
“Tyanshi” konglomerati biotexnologiyalar, mehmonxona biznesi, moliyaviy xizmatlar sohasida aktivlarga ega. Li Szinyuanning o‘zi esa Xitoyda eng badavlat kishilar orasida 24-o‘rinni egallaydi.
Izoh (0)