57 ёшли хитойлик миллиардер Ли Цзиньюань ўз компанияси юбилейи муносабати билан 6400 нафар ходимининг Францияга сафарини ўз чўнтагидан тўлади, дея хабар бермоқда «Rambler.ru».
«Тяньши» конгломерати яратилганига 20 йил тўлиши шарафига бизнесмен ўз ишчилари — 5400 нафар Хитой фуқаролари ва 1000 нафар бошқа давлатлар фуқароларини дастлаб Парижга, сўнг Ниццага юборишга қарор қилди.
Бунинг учун 140 та меҳмонхонада хоналар банд этилди ва поездларга 7600 та чипта сотиб олинди. Лувр музейи эса бир кунга бошқа ташрифчилар учун ёпилди.
«Тяньши» конгломерати биотехнологиялар, меҳмонхона бизнеси, молиявий хизматлар соҳасида активларга эга. Ли Цзиньюаннинг ўзи эса Хитойда энг бадавлат кишилар орасида 24-ўринни эгаллайди.
Изоҳ (0)