Misrda Sinay yarim orolida faoliyat olib boruvchi va IShID bilan aloqador bo‘lgan qurolli guruhning olti nafar a’zolari qatl etildi, deya xabar bermoqda “RBK”.
Ular 2014-yilda Qohirada harbiy xizmatchilarga hujum qilishda ayblandi, o‘shanda ikki nafar armiya ofitseri halok bo‘lgan edi.
Avvalroq “Ansar Bayt al Makdis” nomi ostida taniqli bo‘lgan guruh jangarilari qo‘lida, 2013-yilda armiya Misr prezidenti Muhammad Mursiyni ag‘darganidan buyon yuzlab politsiyachi va askarlar halok bo‘lgan.
Eslatib o‘tamiz, 16-may, shanba kuni ertalab Misr sobiq prezidenti Muhammad Mursiy va “Musulmon birodarlar” tashkilotining 105 nafar tarafdori o‘lim jazosiga hukm qilindi. Undan bir necha soat o‘tib, Sinay yarim oroli shimolida jangarilar misrlik sudyalarga hujum qildi, natijada uch sudya halok bo‘ldi, yana uch nafari yaralandi.
Izoh (0)