48 yil avval birlashgan Quddus “endi hech qachon parchalangan shahar bo‘lmaydi”. Bunday bayonot bilan Isroil bosh vaziri Binyamin Netanyaxu 17-may — “Quddus kuni”da chiqish qildi, deya xabar bermoqda “TASS”.
Ushbu bayram 1967-yildagi urush chog‘ida shahar isroilliklarning to‘liq nazorati ostiga o‘tgan kunga bag‘ishlab nishonlanadi.
“Quddus boshqa hech qachon parchalangan, yaralangan shahar bo‘lmaydi; biz Quddusni Isroil suvereniteti ostida abadiy yaxlit saqlaymiz”, — dedi bosh vazir Quddus birlashganiga 48 yil to‘lgani sharafiga uyushtirilgan bayram tantanalarida.
“Quddus barcha davrlarda boshqa qandaydir xalqning emas, yahudiylarning poytaxti bo‘lib kelgan”, — deya gapini davom ettirdi Netanyaxu. Bosh vazir shahar yanada rivojlanishiga va’da berdi.
Izoh (0)