Xitoy Braziliyadagi yangi infratuzilma loyihalariga investitsiya kiritish uchun 50 milliard dollar ajratadi, deb xabar qiladi “RIA Novosti”.
Bu haqda Braziliya tashqi ishlar vaziri o‘rinbosari Joze Grasa Lima Xitoy davlat kengashi rahbari Li Ketsyanning rasmiy tashrifi oldidan ma’lum qildi.
“Gap taxminan 50 milliard dollar haqida ketmoqda, raqamlarni aniqlashtirish va bu aynan qanday loyihalar bo‘lishini bilish uchun tashrifning oxirigacha kutish kerak”, — dedi Grasa Lima.
19-may kuniga Li Ketsyan va Braziliya prezidenti Dilma Russef o‘rtasida muzokaralar o‘tkazilishi rejalashtirilgan. 12 yil ichida ikki mamlakat o‘rtasidagi tovar aylanmasi 10 barobar o‘sdi. 2001-yilda tovar aylanmasi 8,3 milliardni tashkil qilgan bo‘lsa, 2013-yilga kelib bu ko‘rsatkich 83,3 milliard dollarga yetdi.
Xitoy Braziliyadan Tinch okeani qirg‘oqlarigacha transport yo‘lagi ochish loyihasiga qiziqmoqda. Peruni ham o‘z ichiga olgan bu yo‘lak orqali Braziliyaning Xitoy xalq respublikasiga eksporti jiddiy ravishda o‘sadi.
Tashrif davomida Xitoy tomonidan Braziliyaning Embraer samolyotlarining 22 tadan iborat birinchi partiyasini sotib olishi uzil-kesil hal qilinishi mumkin. Bunday samolyotlarning 60 tasini sotib olish bo‘yicha kelishuv tuzilgan.
Izoh (0)