AQShning Florida shtati politsiyasi Jeksonvill shahrida maktab avtobusini o‘qqa tutgan ikki nafar o‘smirni izlamoqda, deb xabar berdi “TASS”.
Otishma oqibatida avtobus ichida bo‘lgan ikki nafar o‘quvchi qiz jarohat olgan va yaqindagi shifoxonaga olib borilgan. Mahalliy politsiya vakilining so‘zlariga ko‘ra, olingan jarohat qizlarning hayoti uchun xavfli emas.
Guvohlarning ta’kidlashicha, ikki o‘smir avtobusga yaqinlashib, kamaridan to‘pponchani chiqargan va bir necha marta o‘q uzgan, keyin esa yashiringan. Politsiya voqea joyi atrofini o‘rab olgan va mahalliy aholini ikki nafar qora tanli o‘smir qidirilayotganidan ogohlantirgan.
Izoh (0)