28-iyun kuni Dushanbe—Xo‘jand—Channoq avtomobil yo‘lida sodir bo‘lgan yo‘l-transport hodisasida 7 kishi halok bo‘ldi. Ularning ikki nafari O‘zbekiston fuqarolari. Bu haqda Tojikiston Ichki ishlar vazirligi xabar bermoqda.
Vazirlik ma’lumotlariga ko‘ra, Dushanbe—Xo‘jand—Chanoq avtomagistralining Dadaboy Xolmatov qishlog‘idan o‘tgan 332,2-kilometrida yuz bergan.
Ma’lum bo‘lishicha, O‘zbekiston fuqarosi boshqarayotgan Volkswagen rusumli avtomobil Toyota mashinasi bilan to‘qnashgan. Shundan so‘ng Volkswagen yo‘ldan chiqib ketib, xo‘jandlik fuqaro boshqarayotgan Mercedes avtomobili bilan to‘qnashgan.
Fojia oqibatida 7 nafar yo‘lovchi, jumladan bir oilaning besh nafar a’zosi hamda O‘zbekiston fuqarosi bo‘lgan aka-ukalar voqea joyida vafot etgan. Qurbonlar orasida voyaga yetmaganlar ham bor.
Uch nafar jabrlanganlar — Volkswagen haydovchisi bo‘lgan O‘zbekiston fuqarosi va Mastchoh tumanidan bo‘lgan ikki yo‘lovchi zudlik bilan kasalxonaga yotqizilgan. Ularning sog‘lig‘i haqida hozircha aniq ma’lumot yo‘q.
Ta’kidlanishicha, voqea joyidan olingan videoyozuvlarga ko‘ra, halokat juda og‘ir bo‘lgan.
Bundan avval, Turkiyada yo‘l-transport hodisasidan jabr ko‘rgan fuqaro O‘zbekistonga qaytarilgani xabar qilingandi. 16-mart kuni Rossiyaning Novgorod viloyatida yuz bergan yo‘l-transport hodisasi oqibatida O‘zbekistonning bir nafar fuqarosi halok bo‘ldi, yana biri jarohatlandi
Izoh (0)