“O‘zbekiston temir yo‘llari” davlat aksiyadorlik temir yo‘l kompaniyasi Xitoyning CNTIC-CNRDLRC kompaniyasidan yuk elektrovozlarini sotib olishning ikkinchi bosqichini boshladi, deb xabar beradi Uzbekistan Today.
“Hozirda O‘ZEL seriyasidagi 11 ta elektrovozni sotib olish bo‘yicha kelishuv imzolangan. Shu yilning oxirigacha elektrovozlarning birinchi partiyasi keltiriladi, shartnoma bo‘yicha barcha majburiyatlar bajariladi. Ushbu yuk elektrovozlari boshqa analoglariga qaraganda o‘zlarini yaxshi tomondan ko‘rsatdi”, — dedi kompaniyaning bosh muhandis-menejeri Sherzod Ismatullayev.
O‘ZEL seriyasidagi elektrovozlar tashqi tuzilishi va texnik imkoniyatlari tomonidan dunyoning boshqa elektrovozlaridan sezilarli ravishda farq qiladi. Bu elektrovozlar texnik jihatdan Yaponiyaning Toshiba kompaniyasi bilan hamkorlikda o‘zbekistonlik temir yo‘lchilar talabiga binoan jihozlangan.
2020-yil oxirigacha “O‘zbekiston temir yo‘llari” DATYK 32 ta zamonaviy elektrovoz sotib olishni rejalashtirmoqda.
Izoh (0)