O‘zbekistonda 1-iyun holatiga palov xarajatining hududlar kesimidagi narxlari e’lon qilindi.
Milliy statistika qo‘mitasi 2025-yil iyun holatiga ko‘ra, 1 kilogramm palov tayyorlash uchun zarur bo‘lgan mahsulotlar va xizmatlar qiymatini hududlar kesimida hisoblab chiqdi. Unga asosan, eng kam xarajat Qoraqalpog‘istonda (97 684 so‘m), eng yuqorisi esa Toshkent shahrida (116 267 so‘m) qayd etilgan.
- Qoraqalpog‘iston R. — 97 684 so‘m
- Andijon viloyati — 104 449 so‘m
- Buxoro viloyati — 107 405 so‘m
- Jizzax viloyati — 108 900 so‘m
- Qashqadaryo viloyati — 110 211 so‘m
- Navoiy viloyati — 108 612 so‘m
- Namangan viloyati — 108 385 so‘m
- Samarqand viloyati — 111 681 so‘m
- Surxondaryo viloyati — 109 678 so‘m
- Sirdaryo viloyati — 104 623 so‘m
- Toshkent viloyati — 112 192 so‘m
- Farg‘ona viloyati — 114 390 so‘m
- Xorazm viloyati — 105 215 so‘m
- Toshkent shahri — 116 267 so‘m
1 kg palov tayyorlash uchun odatda quyidagilar ishlatiladi:
- 0,3 l kungaboqar yog‘i
- 300 g piyoz
- 700 g mol go‘shti
- 1 kg sabzi
- 1 kg guruch
- 100 g no‘xat
- 10 g zira
- 20 g osh tuzi
Yuqoridagi summalar faqat mahsulot narxlari emas, balki ularni tayyorlash bilan bog‘liq xizmat xarajatlarini ham o‘z ichiga oladi. Tayyor palov narxi bundan farq qilishi mumkin.
Statistika agentligi 2025-yilning yanvar oyi uchun “Palov indeksi”ni eʼlon qilgan edi. Osh markazlarida eng qimmat palov Toshkent shahrida sotilgan bo‘lib, bir porsiyasi 35 700 so‘m bo‘lgan. Eng arzon osh esa Namangan viloyatida — bir porsiyasi 23 000 so‘mdan sotilgan.
Umuman olganda mamlakat hududlarida 1 porsiya oshning o‘rtacha narxi quyidagicha bo‘lgan:
- Qoraqalpog‘iston Respublikasi — 26 100 so‘m
- Andijon viloyati — 31 200 so‘m
- Buxoro viloyati — 33 900 so‘m
- Jizzax viloyati —28 800 so‘m
- Qashqadaryo viloyati — 30 700 so‘m
- Navoiy viloyati — 26 800 so‘m
- Samarqand viloyati — 30 500 so‘m
- Surxondaryo viloyati — 29 200 so‘m
- Sirdaryo viloyati — 25 700 so‘m
- Toshkent viloyati — 27 300 so‘m
- Farg‘ona viloyati — 26 600 so‘m
- Xorazm viloyati — 31 900 so‘m
“Palov indeksi” haqida
O‘zbekistonda eng ommaviy taom — osh narxlari to‘g‘risidagi ma’lumotlarni shakllantiruvchi “Palov indeksi” 2020-yilning yanvaridan joriy etilgan. Ushbu ma’lumotlarni shakllantirishda respublikaning barcha hududlarida 1 kilogramm palov tayyorlash uchun sarflanadigan masalliqlar miqdori o‘rganib chiqiladi. Shunga ko‘ra, umumiy ovqatlanish muassasalarida bir porsiya palovning o‘rtacha narxi belgilanadi.
Izoh (0)