«Ўзбекистон темир йўллари» давлат акциядорлик темир йўл компанияси Хитойнинг CNTIC-CNRDLRC компаниясидан юк электровозларини сотиб олишнинг иккинчи босқичини бошлади, деб хабар беради Uzbekistan Today.
«Ҳозирда O‘ZEL сериясидаги 11 та электровозни сотиб олиш бўйича келишув имзоланган. Шу йилнинг охиригача электровозларнинг биринчи партияси келтирилади, шартнома бўйича барча мажбуриятлар бажарилади. Ушбу юк электровозлари бошқа аналогларига қараганда ўзларини яхши томондан кўрсатди», — деди компаниянинг бош муҳандис-менежери Шерзод Исматуллаев.
O‘ZEL сериясидаги электровозлар ташқи тузилиши ва техник имкониятлари томонидан дунёнинг бошқа электровозларидан сезиларли равишда фарқ қилади. Бу электровозлар техник жиҳатдан Япониянинг Тоshiba компанияси билан ҳамкорликда ўзбекистонлик темир йўлчилар талабига биноан жиҳозланган.
2020 йил охиригача «Ўзбекистон темир йўллари» ДАТЙК 32 та замонавий электровоз сотиб олишни режалаштирмоқда.
Изоҳ (0)