Rossiya prezidenti Vladimir Putin 2013-yilda Amerika prezidenti Barak Obamaga amerikalik aktyor Stiven Sigalni Rossiyaning Kaliforniya va Arizonadagi faxriy elchisi etib tayinlashni taklif qilgan, deb yozadi “Gazeta.ru” BuzzFeed’ga tayanib.
Nashr ma’lumotlariga ko‘ra, bunday taklif G8’ning Shimoliy Irlandiyadagi sammitida bildirilgan. Bu haqda uchrashuvda ishtirok etgan bir nechta manbalar xabar bergan.
“To‘satdan Putin shunday g‘oyani taklif qilib qoldi: Stiven Sigalni Rossiyaning Kaliforniya va Arizonadagi faxriy elchisi hamda Oq uy va Kreml o‘rtasidagi potensial vositachi etib tayinlash”, — dedi manba.
Nashr yozishicha, Putin Sigalning munosib nomzod bo‘lishini aytgan.
“U haqiqiy amerikalik vatanparvar va Rossiyani yaxshi biladi. U o‘zining rossiyalik ajdodlarini unutmaydi: buvisi vladivostoklik bo‘lgani uchun u qarindoshlari, shuningdek yuqori lavozimdagi mansabdorlar bilan aloqada bo‘lib turadi”, — dedi manbalardan biri.
Izoh (0)