Россия президенти Владимир Путин 2013 йилда Америка президенти Барак Обамага америкалик актёр Стивен Сигални Россиянинг Калифорния ва Аризонадаги фахрий элчиси этиб тайинлашни таклиф қилган, деб ёзади «Газета.ru» BuzzFeed’га таяниб.
Нашр маълумотларига кўра, бундай таклиф G8’нинг Шимолий Ирландиядаги саммитида билдирилган. Бу ҳақда учрашувда иштирок этган бир нечта манбалар хабар берган.
«Тўсатдан Путин шундай ғояни таклиф қилиб қолди: Стивен Сигални Россиянинг Калифорния ва Аризонадаги фахрий элчиси ҳамда Оқ уй ва Кремль ўртасидаги потенциал воситачи этиб тайинлаш», — деди манба.
Нашр ёзишича, Путин Сигалнинг муносиб номзод бўлишини айтган.
«У ҳақиқий америкалик ватанпарвар ва Россияни яхши билади. У ўзининг россиялик аждодларини унутмайди: бувиси владивостоклик бўлгани учун у қариндошлари, шунингдек юқори лавозимдаги мансабдорлар билан алоқада бўлиб туради», — деди манбалардан бири.
Изоҳ (0)