Marketing agentliklaridan biri futbol bo‘yicha Shvetsiya terma jamoasi va “PSJ” futbol klubi hujumchisi Zlatan Ibragimovichga bag‘ishlab, zlaaatan.com nomi ostida qidiruv tizimi ishlab chiqdi.
“Segodnya.ua” nashrining qayd etishicha, qidiruv tizimi o‘z faoliyati uchun Google ishlanmasidan foydalanadi, bu jihat uning dizaynida ham yaqqol sezilib turadi.
“Bizning qidiruv tizimimiz Google’ga bog‘langan, lekin undagi har bir so‘rov natijasi u yoki bu darajada Ibragimovich bilan bog‘liq”, - deya agentlik vakili Andreas Killanderning so‘zlaridan iqtibos keltirmoqda “L’Equipe” nashri.
“Har bir so‘rov natijasi Zlatan bilan bog‘liq: siz Ferrari deb qidirsangiz, sizga Ibragimovichning Ferrari’lari ko‘rsatiladi, taom retseptini izlasangiz, sizga “Ibragimovich gamburgeri” ko‘rsatiladi”, − deydi Killander.
Marketing agentligi ushbu qidiruv tizimini ishlab chiqish uchun Ibragimovichning o‘zidan ruxsat so‘ramagan, shunga qaramay, bu g‘oya futbolchini xursand qilishiga umid qilishmoqda.
Izoh (0)