Маркетинг агентликларидан бири футбол бўйича Швеция терма жамоаси ва «ПСЖ» футбол клуби ҳужумчиси Златан Ибрагимовичга бағишлаб, zlaaatan.com номи остида қидирув тизими ишлаб чиқди.
«Segodnya.ua» нашрининг қайд этишича, қидирув тизими ўз фаолияти учун Google ишланмасидан фойдаланади, бу жиҳат унинг дизайнида ҳам яққол сезилиб туради.
«Бизнинг қидирув тизимимиз Google’га боғланган, лекин ундаги ҳар бир сўров натижаси у ёки бу даражада Ибрагимович билан боғлиқ», - дея агентлик вакили Андреас Килландернинг сўзларидан иқтибос келтирмоқда «L’Equipe» нашри.
«Ҳар бир сўров натижаси Златан билан боғлиқ: сиз Ferrari деб қидирсангиз, сизга Ибрагимовичнинг Ferrari’лари кўрсатилади, таом рецептини изласангиз, сизга «Ибрагимович гамбургери» кўрсатилади», − дейди Килландер.
Маркетинг агентлиги ушбу қидирув тизимини ишлаб чиқиш учун Ибрагимовичнинг ўзидан рухсат сўрамаган, шунга қарамай, бу ғоя футболчини хурсанд қилишига умид қилишмоқда.
Изоҳ (0)