Osiyo Chempionlar ligasi guruh bosqichi doirasida “Paxtakor” va “Al-Ayn” klublari o‘rtasidagi to‘rtinchi tur o‘yini yakuniga yetdi. Uchrashuvda durang natija qayd etildi, deya xabar bermoqda “Uff.uz”.
Birinchi bo‘lim teng kurashlar ostida boshlandi. “Paxtakor” nomdor raqibidan cho‘chimagan holda, dadil o‘yin namoyish qildi. Biroq kutilmaganda hisobni mezbonlar ochdi. Kobo Ekoko u qadar xavfli ko‘rinmagan vaziyatdan darvoza tomon zarba berishga muvaffaq bo‘ldi. Lobanov bu zarbani qaytarishga tayyor emas edi.
Shundan so‘ng “Al-Ayn” yana ketma ket hujum tashkil qilishga urinib ko‘rdi. Ammo “paxtakorchilar” endi himoyada hushyor turdi. Shunday bo‘lsa-da, 27-daqiqada Ekoko yana qulay vaziyatga chiqib borib, zarba berishga muvaffaq bo‘ldi. Bu o‘rinda Lobanov bejizga “Paxtakor”ning asosiy darvozaboni emasligini isbotladi va zarbani qaytardi. Aksincha, birinchi bo‘limga qo‘shib berilgan ikkinchi daqiqada Igor Sergeyev boshi bilan gol kiritib, hisobni tenglashtirishga muvaffaq bo‘ldi.
Ikkinchi bo‘limda “Al-Ayn” vaziyatni o‘z tomoniga og‘dirish uchun bosimni oshirishga harakat qildi. Ammo “Paxtakor” raqibga boshqa imkon bermadi. “Al-Ayn” zarba bera olgan vaziyatlarda ham Aleksandr Lobanov hushyor o‘ynadi va xavfni bartaraf etdi.
OChL, B guruhi, 4-tur“Al-Ayn” — “Paxtakor” 1:1Gollar: Kombo-Ekoko (20) - Igor Sergeyev (55+2)“Al-Ayn”: Holid Isa, Ismoil Ahmad (Katiri), Muhannad Salim, Muhammad G‘arib, Muhammad Fayoz, Rashid Isa, Muhammad Abdulrahmon (Diaki, 75), Umar Abdulrahmon, Li Myong Ju, Hilol Said, Jires Ekoko“Paxtakor”: Lobanov, Merzlyakov, Krimets, Kozak, Hoshimov, Sohibov, Maxaradze (Akbar Ismatullayev, 88), Karimov, Andreyev (Pardayev, 74), Iskanderov, Sergeyev (Masharipov, 60).Ogohlantirishlar: Ismoil Ahmad 5, Ekoko 76
Izoh (0)