Осиё Чемпионлар лигаси гуруҳ босқичи доирасида «Пахтакор» ва «Ал-Айн» клублари ўртасидаги тўртинчи тур ўйини якунига етди. Учрашувда дуранг натижа қайд этилди, дея хабар бермоқда «Uff.uz».
Биринчи бўлим тенг курашлар остида бошланди. «Пахтакор» номдор рақибидан чўчимаган ҳолда, дадил ўйин намойиш қилди. Бироқ кутилмаганда ҳисобни мезбонлар очди. Кобо Экоко у қадар хавфли кўринмаган вазиятдан дарвоза томон зарба беришга муваффақ бўлди. Лобанов бу зарбани қайтаришга тайёр эмас эди.
Шундан сўнг «Ал-Айн» яна кетма кет ҳужум ташкил қилишга уриниб кўрди. Аммо «пахтакорчилар» энди ҳимояда ҳушёр турди. Шундай бўлса-да, 27-дақиқада Экоко яна қулай вазиятга чиқиб бориб, зарба беришга муваффақ бўлди. Бу ўринда Лобанов бежизга «Пахтакор»нинг асосий дарвозабони эмаслигини исботлади ва зарбани қайтарди. Аксинча, биринчи бўлимга қўшиб берилган иккинчи дақиқада Игорь Сергеев боши билан гол киритиб, ҳисобни тенглаштиришга муваффақ бўлди.
Иккинчи бўлимда «Ал-Айн» вазиятни ўз томонига оғдириш учун босимни оширишга ҳаракат қилди. Аммо «Пахтакор» рақибга бошқа имкон бермади. «Ал-Айн» зарба бера олган вазиятларда ҳам Александр Лобанов ҳушёр ўйнади ва хавфни бартараф этди.
ОЧЛ, B гуруҳи, 4-тур«Ал-Айн» — «Пахтакор» 1:1Голлар: Комбо-Экоко (20) - Игорь Сергеев (55+2)«Ал-Айн»: Ҳолид Иса, Исмоил Аҳмад (Катири), Муҳаннад Салим, Муҳаммад Ғариб, Муҳаммад Фаёз, Рашид Иса, Муҳаммад Абдулраҳмон (Диаки, 75), Умар Абдулраҳмон, Ли Мёнг Жу, Ҳилол Саид, Жирес Экоко«Пахтакор»: Лобанов, Мерзляков, Кримец, Козак, Ҳошимов, Соҳибов, Махарадзе (Акбар Исматуллаев, 88), Каримов, Андреев (Пардаев, 74), Искандеров, Сергеев (Машарипов, 60).Огоҳлантиришлар: Исмоил Аҳмад 5, Экоко 76
Изоҳ (0)