KXDR va Janubiy Koreyani 38-parallel bo‘ylab ajratib turuvchi qurolsizlantirilgan zonada yong‘in sodir bo‘lib, Janubiy Koreya hududiga tarqalib ketdi, deya xabar bermoqda “RIA Novosti”. Jabrlanganlar bo‘yicha ma’lumot kelib tushganicha yo‘q.
“Renxap” agentligi o‘z manbalariga tayanib qayd etishicha, yong‘in mahalliy vaqt bilan ertalab 11 (Toshkent vaqti bilan 7:00)da chegara chizig‘idan 600 metr shimolda — KXDR harbiy xizmatchilari qorovul posti yonida boshlangan. 15:45 (Toshkent vaqti bilan 11:45)da olov Janubiy Koreyaning Pxadju shahridagi sayyohlar orasida mashhur bo‘lgan “Dora” observatoriyasiga yetib borgan.
O‘t o‘chirishga 50 dan oshiq yong‘in guruhi jalb etildi. Keyinroq ularga uchta vertolyot qo‘shiladi. Yong‘in sababi aniqlanganicha yo‘q.
Izoh (0)