КХДР ва Жанубий Кореяни 38-параллел бўйлаб ажратиб турувчи қуролсизлантирилган зонада ёнғин содир бўлиб, Жанубий Корея ҳудудига тарқалиб кетди, дея хабар бермоқда «РИА Новости». Жабрланганлар бўйича маълумот келиб тушганича йўқ.
«Ренхап» агентлиги ўз манбаларига таяниб қайд этишича, ёнғин маҳаллий вақт билан эрталаб 11 (Тошкент вақти билан 7:00)да чегара чизиғидан 600 метр шимолда — КХДР ҳарбий хизматчилари қоровул пости ёнида бошланган. 15:45 (Тошкент вақти билан 11:45)да олов Жанубий Кореянинг Пхаджу шаҳридаги сайёҳлар орасида машҳур бўлган «Дора» обсерваториясига етиб борган.
Ўт ўчиришга 50 дан ошиқ ёнғин гуруҳи жалб этилди. Кейинроқ уларга учта вертолёт қўшилади. Ёнғин сабаби аниқланганича йўқ.
Изоҳ (0)