Bloomberg yozishicha, sanksiyalarga qaramay, investorlar yana Rossiyaga qiziqish bildirmoqda, deya xabar berdi “RBK”.
Bloomberg News bosh muharriri Metyu Uinkler Rossiyaga Qrim qo‘shilganidan so‘ng joriy etilgan sanksiyalar uning iqtisodiyotiga jiddiy zarba berganini, biroq bu yil ahvol yaxshilana boshlaganini qayd etdi.
Masalan, rubl o‘tgan yil oxirida dunyodagi eng beqaror valyutaga aylangan bo‘lsa, ayni paytda uning ahvoli barqarorlashmoqda, rubl kursi tebranishi kamaydi va investorlarning qiziqishlari ham o‘zgarmoqda.
Rossiya davlat qimmatli qog‘ozlari va korporativ obligatsiyalarga pul tikkan sarmoyadorlar 2015-yilda allaqachon foyda ola boshlagan.
Rossiya biznesi ham asta-sekinlik bilan qayta tiklanmoqda, deyiladi maqolada. Moskva banklararo valyuta birjasi indeksiga kiruvchi kompaniyalarning 78 foizi butun dunyodagi shunga o‘xshash kompaniyalarga nisbatan ko‘proq o‘sgani kuzatildi. Bunday o‘sishning sabablaridan biri — G‘arb sanksiyalari. “Xorijiy mahsulotlar bo‘lmagani tufayli, rossiyaliklar mahalliy tovar va xizmatlarni tanlashga majbur”, — deya aniqlik kiritiladi maqolada.
Izoh (0)