15-mart, yakshanba kuni qotillikda gumon qilinib, hibsga olingan milliarder Robert Darst avvaldan tayyorlab qo‘yilgan hujjatli filmda aybiga iqror bo‘lib chiqdi, deb yozadi “RIA Novosti”. Filmning so‘nggi seriyasi HBO kabel telekanali orqali uzatildi.
“Mana, tamom. Qo‘lga tushding. Nimalar qilib qo‘ydim. Hammasini o‘ldirdim”, — dedi Darst. Uning intervyu uchun ataylab aytilmagan ushbu so‘zlari film rejissori tomonidan kameraga muhrlangan edi va efirga chiqarildi.
Ko‘p yillar davomida Darstning birinchi xotini, yordamchisi va qo‘shnisini o‘ldirgani haqida mish-mishlar yurar edi.
Darstning qarindoshlari uni hibsga olishgani uchun politsiyaga minnatdorlik bildirdi. “Qilgan barcha qilmishlari uchun nihoyat uni javobgarlikka tortishlariga umid qilamiz”, — dedi uning ukasi Duglas Darst.
Darstlar oilasining davlati 4 milliard dollarga baholanmoqda, u ko‘chmas mulk orqali ishlab topilgan.
Izoh (0)