“O‘zbekiston havo yo‘llari” Milliy aviakompaniyasi 2017-yilgacha Boeing-787-800 Dreamliner samolyotlariga texnik xizmat ko‘rsatish markazi qurilishini yakunlaydi, deya xabar bermoqda “Gazeta.uz”.
Markaz qurilishi 2014-yilda boshlangan bo‘lib, 2016-yil oxirida tugallanadi. Qiymati 40 million dollarga teng loyiha O‘zbekiston Tiklanish va taraqqiyot jamg‘armasining 28 million dollarlik krediti va aviakompaniya xususiy mablag‘lari hisobidan moliyalashtirilmoqda.
2007—2008-yillarda “O‘zbekiston havo yo‘llari” Boeing bilan jami 645 million dollarlik to‘rtta Boeing-767-300ER va ikkita Boeing 787-8 Dreamliner samolyotlarini sotib olish haqida shartnoma imzolagan. O‘tgan yilning iyulida Boeing-767-300ER’ni yetkazib berish bo‘yicha shartnoma amalga oshirilgan. Ikkita 787-800 Dreamliner esa 2016-yilda yetkazib beriladi.
Izoh (0)