O‘zbekistonda suvli ko‘mir suspenziyasini olish usuli ixtiro qilindi

O‘zbekiston Respublikasi Fanlar akademiyasi Umumiy va noorganik kimyo instituti olimlari tomonidan suvli ko‘mir suspenziyasini (SKS) olish usuli ixtiro qilindi. Bu haqda O‘zbekiston Respublikasi Intellektual mulk agentligi xabar bermoqda.

U yoqilg‘i-energetika sanoati, suvli ko‘mir suspenziyasini mazut va gaz o‘rniga yoqilg‘i sifatida foydalanish uchun, shuningdek, qishloq xo‘jaligi va tuproqshunoslikda suvli ko‘mir suspenziyasiga turli ximikatlarni qo‘shib tuproqqa va o‘simliklarga ishlov berish sohasi uchun mo‘ljallangan.

Uning vazifasi suvli ko‘mir suspenziya stabilizatorlari assortimentini kengaytirish va tanqis natriy gidrooksidini mahalliy, arzon va oson topiladigan xomashyo – kalsiy gidrooksidiga (ohak) almashtirishni ta’minlaydigan usulni ishlab chiqishdan iborat. Mualliflar ushbu ixtiroga patent olish uchun talabnoma topshirdi.