Yoqutistonda avtomobillar uchun smartfon bilan boshqariladigan ko‘cha isitgichlari o‘rnatiladi

Yoqutistonda bu yil avtomobillarni qishda qizitish uchun mo‘ljallangan dunyodagi birinchi elektr ustunlar paydo bo‘ladi, deya xabar bermoqda “TASS” “Arktika texnologiyalari” korxonasi bosh direktori Konstantin Bolshevga tayanib.

“Yoqutistonda qishda mashinalarni yoniq dvigatel bilan ko‘chada qoldirishadi, chunki 40—50 daraja sovuqda dvigatel o‘chirib qo‘yilsa, u muzlab qoladi va uni qayta o‘t oldirish qiyin bo‘ladi. Bu esa ekologiya va avtomobil dvigateliga yomon ta’sir qiladi, shu tufayli biz muqobil yechim sifatida elektr ustunlarni joriy etmoqdamiz”, — dedi u.

Bolshev so‘zlariga ko‘ra, elektr ustun 200 volt kuchlanishga ega ko‘cha elektr rozetkasi bo‘lib, u elektr toki urishidan himoya qiluvchi qurilma va elektr energiyasi iste’molini hisoblovchi uskuna bilan jihozlangan. Elektr ustun smartfonlar uchun maxsus dastur yordamida boshqariladi.