AQSh shimoli-sharqidagi Nyu-York va boshqa shaharlar fuqarolari mintaqaga qor bo‘roni kelganidan noligani uchun internet-foydalanuvchilar kulgisiga sabab bo‘ldi, deya xabar bermoqda The Huffington Post.
Kanada va O‘rta G‘arbda yashovchilar ayniqsa, nyu-yorkliklarning #snowpocalypse va #snowmageddon (qorli qiyomat qoyim) heshteglarini masxara qilishdan charchamadi.
“Nyu-York: Tarixiy qorbo‘ron. Hamma ishini to‘xtatadi. Hamma joy yopiladi. Kanada: Shu ham gap bo‘libdimi. Shunchaki qor yog‘yapti”, — deya kanadalik foydalanuvchi ikki mamlakatdagi tabiat hodisasiga munosabatni taqqosladi.
Nyu-York va yana ba’zi shimoli-sharqiy shaharlarga shu hafta kuchli qor bo‘roni yaqinlashishi kutilmoqda. Milliy meteorologiya xizmati Bostonda 90 santimetr, Nyu-Yorkda 60 santimetr qor yog‘ishini prognoz qildi.
Izoh (0)