АҚШ шимоли-шарқидаги Нью-Йорк ва бошқа шаҳарлар фуқаролари минтақага қор бўрони келганидан нолигани учун интернет-фойдаланувчилар кулгисига сабаб бўлди, дея хабар бермоқда The Huffington Post.
Канада ва Ўрта Ғарбда яшовчилар айниқса, нью-йоркликларнинг #snowpocalypse ва #snowmageddon (қорли қиёмат қойим) ҳештегларини масхара қилишдан чарчамади.
«Нью-Йорк: Тарихий қорбўрон. Ҳамма ишини тўхтатади. Ҳамма жой ёпилади. Канада: Шу ҳам гап бўлибдими. Шунчаки қор ёғяпти», — дея канадалик фойдаланувчи икки мамлакатдаги табиат ҳодисасига муносабатни таққослади.
Нью-Йорк ва яна баъзи шимоли-шарқий шаҳарларга шу ҳафта кучли қор бўрони яқинлашиши кутилмоқда. Миллий метеорология хизмати Бостонда 90 сантиметр, Нью-Йоркда 60 сантиметр қор ёғишини прогноз қилди.
Изоҳ (0)