KXDRda quruqlikdagi qo‘shinlar Kim Chen In rahbarligida mashg‘ulot o‘tkazdi — OAV

KXDR yetakchisi Kim Chen In Koreya xalq armiyasi g‘arbiy sektoridagi quruqlikdagi qo‘shinlarning zarbdor motorlashtirilgan bo‘linmalari o‘quv mashg‘ulotlariga rahbarlik qildi. Bu haqda “TASS” xabar berdi.

KXA jangchilari qish sharoitida o‘ziyurar artilleriya qurilmalari yordamida daryoni kechib o‘tish taktikasi va texnikasini mashq qildi. Mashg‘ulotlarda suzuvchi ko‘chma ko‘priklar qo‘llanildi.

KXDR rahbari o‘tkazilgan o‘quv mashqlarining ijobiy tomonlari va kamchiliklarini ko‘rsatib o‘tdi. Uning aytishicha, “armiya bo‘linmalari va qismlari tog‘lar va daryolarni bir nafasda kesib o‘tishi” uchun KXA har qanday ob-havo sharoitlarida harbiy tayyorgarlik bilan qizg‘in shug‘ullanishi kerak.

KXDRda qishki harbiy mashg‘ulotlar AQSh va Janubiy Koreya mart boshida yirik ko‘lamdagi Key Resolve va Foal Eagle manyovrlarini o‘tkazish niyatini ma’lum qilgach, boshlanib ketdi.