AirAsia samolyoti qulagan hududdan laynerning dum qismi topildi

AirAsia aviakompaniyasiga qarashli Airbus 320-200 samolyoti qulagan hududdan laynerning dum qismi topildi. Bu haqda Indoneziya Milliy qidiruv-qutqaruv boshqarmasi rahbari Xenri Bambang Sulistyo ma’lum qildi, deb xabar bermoqda “Gazeta.ru”.

“Biz samolyotning dum qismini topdik, bu bizning bugungi bosh maqsadimiz edi”, − dedi Sulistyo. Samolyotning “qora quti”si aynan dum qismida joylashgani taxmin qilinmoqda.

Avvalroq, bortida 162 kishi bo‘lgan layner qulagan hududda qidiruv ishlarini olib borayotgan Rossiya samolyoti dengiz yuzasida samolyotning 30 ga yaqin qismlarini topgani xabar berilgan edi.