Ukraina prezidenti maslahatchisi Yuriy Biryukov Poroshenkoning avtomatdan o‘q uzayotgani aks etgan videoyozuvni e’lon qildi, deb xabar bermoqda “Korrespondent.net”.
“Bu videoni chop etganim uchun gap eshitishim mumkin, ammo… Men chin dildan unga ishonaman. Ham hurmat qilaman. Nafaqat bevosita boshlig‘im bo‘lgani uchun… Birinchining yordamisiz mudofaa vazirligi bu kunlarga yetib kelmas edi. U qoyillatib o‘q uzadi”, — deb yozdi Biryukov o‘zining Facebook sahifasida.
Nashrning taxmin qilishicha, video 5-yanvar — Poroshenko Ukraina harbiylariga yangi texnikani topshirgan kuni olingan. Prezident qo‘lidagi avtomat esa Fort-221 shturmli vintovkadir.
Izoh (0)