O‘zbekiston prezidenti Islom Karimov o‘z qarori (pdf) bilan “Navoiyazot” AJ negizida polivinilxlorid (PVX), kaustik soda va metanol ishlab chiqarish kompleksi qurilishi” investitsion loyihasini amalga oshirish chora-tadbirlarini tasdiqladi.
Hujjatda aytilishicha, to‘g‘ridan-to‘g‘ri muzokaralar natijasida “O‘zkimyosanoat” DAKka qarashli “Navoiyazot” AJ tomonidan China CAMC Engineering Co. (XXR) kompaniyasi bilan bir yilda 100 ming tonna metanol ishlab chiqaradigan 439,8 million AQSh dollari miqdoriga teng summadagi kompleksni “tayyor holda topshirish” sharti bilan qurish to‘g‘risida shartnoma tuzilgan.
Qarorda shartnomani moliyalashtirish manbalari etib “Navoiyazot” AJga shartnoma qiymatining 15 foizi miqdoridagi avans to‘lovlarini to‘lash uchun “Asaka” DATB tomonidan qayta moliyalashtiriladigan, 10 yil muddatga, shu jumladan 3 yil imtiyozli davr bilan, yillik 2,25 foiz stavkali O‘zbekiston Respublikasi Tiklanish va taraqqiyot jamg‘armasining 65,97 million AQSh dollari miqdoridagi kredit mablag‘lari; shartnoma qiymatining 85 foiz to‘lovlarini to‘lash uchun qayta moliyalashtiruvchi bankning yillik 0,25 foizli marjasini ham hisobga olgan holda “Asaka” DATB tomonidan qayta moliyalashtiriladigan 373,83 million AQSh dollari miqdoridagi uzoq muddatli imtiyozli kreditlar mablag‘lari belgilandi.
Izoh (0)